Ginpili sang Miss Universe Organization ang Filipino-American nga si Dr. Eleanor Concepcion “Connie” Mariano nga mangin kabahin sang selection committee para sa finals sang 72nd Miss Universe sa November 18 sa El Salvador.
Si Dr. Mariano amo ang first woman director sang White House Medical Unit kag labing-una man nga Filipino-American sa U.S. history nga nangin Navy Rear Admiral.
Photo: Powerhouse Ph
Tumandok siya sang Pampanga apang ginpadaku sa Estados Unidos sang Amerika.
Ang iban pa nga kabahin sang selection committee amo sanday Halima Aden nga isa ka fashion-model; actor-designer nga si Carson Kressley; mixed martial artist nga si Mario Bautista nga director sang program management sa Roku Sweta Patel; Miss Universe 1977 Janelle “Penny” Comissiong; Puerto Rican actress Giselle Blondet; Denise White; Miss Universe 2016 Iris Mittenaere; kag social media personality nga si Avani Gregg.
85 ka mga kandidata halin sa lain-lain nga mga pungsod ang magapaindis-indis agud makuha ang titulo subong nga tuig. Si Michelle Marquez Dee ang mangin tiglawas sang Pilipinas. #
