Magatakop ang tuig 2023 nga nagapanguna sa world rankings sa tennis ang 36-anyos nga 24-time Grand Slam champion nga si Novak Djokovic!
Ini ang ikawalo nga tion sa iya bug-os nga karera nga year-end number 1 ang nasambit nga Serbian tennis superstar base sa ranking sang Association of Tennis Professionals (ATP).
Photo: We Are Tennis/Facebook
Nahimo ini nga rekord matapos ginlutos ni Djokovic ang Danish tennis player nga si Holger Rune sa tatlo ka oras nga hampang sa Nitto ATP Finals 2023 tennis tournament sa Pala Alpitour arena sa Turin, Italy.
Sa edad nga 36-anyos, ginpakita ni Djokovic subong nga 2023 nga wala sang pagluya sa iya ikasarang matapos nadag-an ang tatlo ka slams kag nangin all-time record winner sang major titles.
Antes ang hampang sa Turin, nagdaog man si Djokovic sa Paris Masters nga amo ang iya ika-40 nga kadalag-an sa Masters 100 event.
Nahibaluan nga Year-End No. 1 man si Djokovic sang 2011, ‘12, ‘14, ‘15, ‘18, ‘20, kag ‘21. Nagasunod sa sini nga impresibo nga rekord si Pete Sampras nga may anum; kag Roger Federer, Jimmy Connors kag Rafael Nadal nga lima ka beses nga nangin year-end no. 1. #
