ILOILO CITY – Nagpositibo sa iligal nga droga ang re-elected barangay kagawad sang Ayong, Cabatuan, Iloilo nga una nga nadakpan sa drug buy bust operation.
Ang barangay kagawad amo si Micheal Montinola, 41.
Nakuha sa iya ang siyam ka sachet sang suspected shabu nga may standard drug price nga P68, 000.
Sa interview sang Bombo Radyo kay Police Captain Dionisio Estacio, hepe sang Cabatuan Municipal Police Station, iya ginpahayag nga sang Sabado, ginpaidalom na sa inquest proceeding ang opisyal.
Suno kay Estacio, kaso nga paglapas sa Sections 5 kag 11 sang Republic Act 9165 ukon Comprehensive Dangerous Drugs Act of 2002 ang ginpasaka batuk kay Montinola.
Pahayag niya, nakadepende na sa legal unit sang Commission on Elections ang kaso administratibo nga ipasaka batuk sa barangay kagawad.
