Pareho na nga ginkumpirma nanday Kathryn Bernardo kag Daniel Padilla nga bulagay na sila nga duha.
Una nga nagpaguwa sang statement ang 27-anyos nga aktres kun sa diin iya ginpahayag nga “chapter closed” na. Nalakip diri ang daan nga laragway nila sang aktor. “I hope this finally helps all of us move forward. I won’t be entertaining questions regarding this anymore. Thank you for understanding.”
May malawig pa nga statement kun sa diin iya gin-apresyar ang 11 ka tuig nga relasyon kay Padilla.
“These are 11 years that brought me joy, adventure, and the feeling of being home…. He was my first boyfriend…. I will always have love for him…. We’ve been drifting apart for a while now, and we ultimately had to accept that we can’t go back to where we used to be….”
Gintapos ang statement nga may direkta nga mensahe kay Daniel: “Deej, you gave me 11 beautiful years and the kind of love that I will forever cherish. I will always be grateful for you.”
Sunod man nga nagpaguwa sang pahayag ang 28-anyos nga aktor lakip ang ila laragway ni Kathryn.
“Our lives may drift away, but our love will still ride that tide,” kabahin sang statement. “Bal, ang pagmamamhal ko sa ‘yo ay walang hanggan at walang katapusan.”
Nagpasalamat man ini sa ila fans nga ila ginatawag nga Kathniels: “KathNiels, maraming salamat sa napakagandang pinagsamahan natin…. Magiging mahirap pero kailangan nating yakapin ang kinabukasan….”
Wala-tuo ang proyekto sang duha halin sang nadiskubrehan ang ila chemistry kag isa sila sa ginatangla nga pinaka-popular nga loveteam sa Philippine showbiz.
Una sila nga nag-updanay sa youth-oriented series nga Growing Up kag sunod nga nakit-an ang sparks sa primetime series nga Princess and I sang 2012. Pagkatapos, nangin asud-asud na ang blockbuster projects halin sa She’s Dating the Gangster pakadto sa The Hows of Us.
Ang katapusan nila nga daku nga proyekto sa telebisyon amo ang 2023 series nga 2 Good 2 Be True. #
