Sa edad nga 38, naghimo na naman sang panibag-o nga rekord sa NBA ang basketball superstar nga si LeBron James kadungan sang paglutos sang Los Angeles Lakers sa New Orleans Pelicans sa semifinals, 133-89, kag pagmartsa sa finals sang labing-una nga In-Season Tournament.
Sa amo nga semi-final game, nagpanguna si James nga may 30-puntos, lima ka rebounds, kag walo ka assists.
Ini nga statistics ang nagguba sang rekord sa liga kag amo ang ginkabig nga pinakauna nga pinakadamo nga puntos, assists, kag rebounds sa sulod lamang sang 23 minutos nga hampang sini sa court.
Sa sini nga kadalag-an, nag-saka na ang Lakers sa 14-9 sa ila nauna nga 23 games kag amo ang fourth seed sa Western Conference.
Ini naman ang ika-21 nga season ni James sa NBA kag ika-anum kaupod sa Los Angeles.
Daog ang Lakers sa 2020 NBA Championship, kag nakadangat sa Western Conference Finals sang nagligad nga tuig.
Balantayan ang hampang sa championship sa tunga sang Lakers kag Indiana Pacers 9:30 sa aga buwas, Disyembre 10, oras sa Pilipinas.
