Merry matuod ang mangin Christmas sang mga motorista bangud may lauman nga pagnubo sa presyo sang produktong-petrolyo sa masunod nga semana.
Suno kay Department of Energy-Oil Industry Management Bureau Assistant Director Rodela Romero, kun basehan ang trading sang nagliligad nga adlaw, posible nga masobra sa piso ang ibuhin sa presyo sang kada litro sang tanan nga oil products.
Yari ang projected price adjustments base sa oil industry estimates:
Diesel – maganubo sang P1.70 to P1.95 per liter
Gasoline – maganubo sang P1.60 to P1.80 per liter
Kerosene – maganubo sang P1.35 to P1.45 per liter
Ini nga adjustments ang magalain pa depende sa resulta sang trading sang Mean of Platts Singapore kahapon nga adlaw.
Ang Mean of Platts Singapore amo ang basehan sang presyo sang refined petroleum products sa Southeast Asia.
Ini amo ang daily average sang tanan nga trading transactions sa tunga sang buyers kag sellers sang petroleum products kag gina-assess kag gina-summarize sang Standard and Poor’s Platts.
