Ginsugata sang kapaslawan ang Choco Mucho Flying Titans sa labing-una sini nga pagtapak sa finals sang Premier Volleyball League (PVL).
Nalutos ang team sa Game 1 sa kamot sang defending champions nga Creamline Cool Smashers, 25-23, 19-25, 26-24, 25-22, sa 2023 Second All-Filipino Conference sa Mall of Asia Arena.
Nanguna sa Creamline sanday Tots Carlos kag Jema Galanza nga may tag-16 puntos samtang may 11 puntos naman si Alyssa Valdez nga amo ang nagpalawig pa sang winning streak sang Cool Smashers sa 14 subong nga conference.
Sa Flying Titans, may 17 puntos si Sisi Rondina samtang nanguna naman sa scorers si Maddie Madayag nga may 18 puntos.
Naka-schedule ang Game 2 buwas, Disyembre 16, sa Smart Araneta Coliseum. #
Photo from PVL Media Bureau
