Nagmandu ang Bureau of Immigration (BI) nga i-deport ang American actor nga si Lee O’Brian nga amo ang estranged partner sang komedyante nga si Pokwang kag amay sang iya anak nga si Malia.
Sa walo ka pahina nga resolution nga napetsahan sang Disyembre 12, gin-order sang bureau ang deportation sa aktor kasunod sang kaso nga gin-file ni Pokwang sang Hunyo 12 bangud sa pagbayolar sa iya nga work visa.
Si O’Brian, tumandok sang San Francisco, California, USA, ang nagsugod sa pagtinir sa Pilipinas sang 2015 para sa iya nga acting career.
“We thank the Bureau of Immigration for siding with the truth in our case against Lee O’Brian,” suno kay Atty. Rafael Vicente Calinisan nga legal counsel ni Pokwang. “We have been consistent that Lee O’Brian must be made accountable, as his repeated renewal of his tourist visa constitutes fraud and willful misrepresentation of facts, while his work engagements are violations of limitations under which he was admitted as a non-immigrant,” kasugpon sang statement.
Ginpaguwa ang deportation order kasunod sang nakit-an nga development sa relasyon nanday Pokwang kag O’Brian kun sa diin gintugutan na sang komedyante ang lalaki nga magbisita kag mag-upod liwat sa ila anak nga babayi. #
