Kita nga mga Pilipino, mahilig gid magbakal sang gamit sa ukay-ukay.
Kun kaisa, maswerte kita kun high quality ang aton nga mabakal sa tuman ka barato nga presyo.
Kaangay na lamang sa iya ka babayi nga nangin instant millionaire bangud nga nagbakal lamang sang vase sa ukay-ukay.
Si Jessica Vincent, isa ka 43 anyos nga horse trainer ang nagbakal sang vase nagikan sa isa ka thrift store sa balor nga P220.
Apang wala niya nahibaluan nga ang tuman ka simple nga vase ang may mga tinaga nga “Murano” kag “Italia” sa iya base nga gin-produce sang isa ka kilala nga glass company kag gindesinyo ni Carlo Scarpa nga isa ka top Italian architect sang mid-20th century.
Matapos nga ginpakigbahin ni Vincent ang litrato sang vase sa iya social media account, may nag-comment nga tuman ka laka sang amo nga vase kag sigurado gid nga madamo ang magabakal nga collector.
Didto kag gin-refer siya sa Wright Auction House sa Chicago kag ginbakal sang isa ka Italian.
Sa P5.9 million nga balor sang vase, P1.3 million ang nagpadulong sa auction house samtang gindala niya pauli ang P4.6 million.
Pahayag niya, nagalaum siya nga ang vase ang ma-display sa isa ka museum sa pila ka adlaw.
