ILOILO CITY – Ginalauman nga liwat nga maggutok ang mga dalanon sa pila ka bahin sang syudad sang Iloilo sumugod bwas, Disyembre 29 tubtob Disyembre 31.
Sa interview sang Bombo Radyo kay retired Colonel Uldarico Garbanzos, pinuno sang Iloilo City Traffic Management Unit, iya ginpahayag nga magasugod naman ang holiday rush para sa New Year.
Suno kay Garbanzos, ang area sang Iloilo City Proper ang may dako nga pagpanghangkat sa ila bangud nga diri nagatipon ang halos tanan nga mga salakyan.
Bangud sini, ginpahayag ni Garbanzos nga nagpatuman sila sang realignment sang mga personnel.
Dugang pa sang natungdan, nagbutang sila sang mas madamo nga personnel sa mga lugar nga may ginalauman nga paggutok sang trapiko.
May kaangtanan sini, nagpaandam si Garbanzos nga may manabat gid sa tion nga indi mapatuman ang iya direksyon.
Nagpangabay man ini sa publiko nga laba-an pagid ang pasensya sa tion nga magsulod sa syudad.
Nagpasalig man si Garbanzos nga may yara sang nagaka-igo nga advisory nga ipagwa ang ila nga talatapan agud nga makabulig sa publiko.
