ILOILO CITY – Padayon nga nagapahanumdom ang Bureau of Fire Protection sa publiko nga likawan ang pagpalupok sa indi designated areas.
Sa interview sang Bombo Radyo kay Iloilo City Fire Marshal Fire Superintendent Melanie Habawel, iya ginpahayag nga tuman ka delikado kun magpalupok sa lugar nga malapit sa mga panimalay bangud nga mahimo ini nga makatuga sang sunog.
Suno kay Habawel, ang tagsa ka barangay ang may gintigana gid nga designated area kun sa diin mahimo nga magpalupok, kaangay sang mga maligwin nga bahin.
Pahayag niya, ang pagpalupok ang delikado sa lawas sang tawo kag mangin sa mga kagamitan.
Nagpanugyan naman si Habawel nga mas maayo nga maggamit na lamang sang iban nga pamaagi agud nga mangin magahud ang pagsug-alaw sang bag-ong tuig.
