Ginlunsar sang Food and Drug Administration (FDA) ang task force nga magatutok sa problema sa Avian Influenza ukon bird flu sa Pilipinas.
Ini ang ginhingadlan nga Task Force Alectryon nga pangunahan ni Director General Samuel Zacate.
Tuyo sini nga magbalay sang proactive approach batok sa bird flu paagi sa pagpatuman sang control strategies kaangay sang pagbakuna.
Ini man nga task force ang maga-evaluate kag maga-assess sang bulong kag bakuna nga safe kag dekalidad agud matapna ang paglapta sang virus.
Gin-enggayo man sang FDA ang veterinary pharmaceutical industry nga magpasa sang aplikasyon para sa Avian Influenza vaccines agud masuportahan ang mga tikang nga matapna ini nga problema sa populasyon sang domestic kag wild birds.
