Nagdangat sa 10 ka mga boga ang nakumpiskar sang Anilao Municipal Police Station kaangot sa pagsug-alaw sang bag-ong tuig.
Tatlo diri ang nakuha gikan sa Barangy Dangula-an samtang pito naman sa Barangay Serallo.
Sa interview sang Bombo Radyo kay Police Captain, Ma Fe Umiten, hepe sang Anilao Municipal Police Station, iya ginpahayag nga lunsay kabataan ang nadakpan sa akto nga nagagamit sini.
Magluwas nga ginkumpiskar sang mga pulis ang boga, may lecture man nga ginhimo sa mga bata agud indi na sila magliwat sa paggamit sini.
Nalakip ang boga sa ginadumilian nga gamiton kun magsug-alaw sang bag-ong tuig apang lakip man ini sa nagapanguna nga rason sang firecracker-related injuries diri sa rehiyon.
