Kasado na ang 37-anyos nga aktres nga si Angelica Panganiban sa iya businessman fiancé nga si Gregg Homan.
Gindungan nila ang ila nga kasal sa bisperas sang bag-ong tuig, Disyembre 31.
“123123 – Patuloy na mananalig at maniniwala sa pag-ibig. Sa kabila ng lahat. Ang pagmamahal pa rin ang kakapitan,” pahayag sang aktres sang iya na ginsapubliko ang balita sa iya kasal. “Maligayang bagong taon – Mrs Angelica Panganiban Homan.”
Wala man sini gin-anunsyo kun sa diin ang partikular nga venue sang iya kasal apang antes ang big event, naka-post pa ini sang pictures kaupod sa iya mga abyan nga sanday Bela Padilla kag Kim Chiu sa Los Angeles, California, USA.
Sa seremonya sang kasal, siyempre, bida man ang anak nanday Angelica kag Gregg nga si Amila Sabine ukon si baby Bean.
2018 sang una nga nagkitaay ang duha. Sang amo nga tion, may taping si Angelica sa isa ka TV series sa Subic kun sa diin nagapuyo si Gregg.
2020 sang nag-umpisa ang relasyon bilang magkahagugma kag 2022 naman sang nag-propose ang lalaki sang nagabusong pa ang aktres kay Baby Bean.
