Kun petsa de peligro na gani ukon daw kabos ka na gid sa kuwarta, ang masami mo mabatian amo nga: “Abi pagpahimunong ka sa balay ninyo!”
Kun ara ka abi sa balay, indi ka na makagasto… siling nila.
Apang nakahibalo ka bala nga may pamilya nga nagbiya sa ila balay bangud sa sobra nga gasto—kag nakahibalo ka pa gid kun ano ang ginhimo?
Nagpuyo sila sa isa ka hotel bangud ila ginpahayag nga mas makakinot sila sa hotel ipaanggid kun yara sila sa balay!
Walo ang myembro sang amo nga pamilya.
Ang ila napili nga luxury hotel suite ang nahatang sa syudad sang Nanyang sa probinsya sang Henan.
Masobra 200 na sila ka adlaw nga nagatinir sa amo nga hotel kun sa diin lapaw na sa P7,800 kada adlaw ang ila ginabayara.
Ginpahayag nga komportable sila nga walo sa hotel ilabi na bangud may yara sila sa living room kag duha ka kuwarto. Kumpleto man sila sa pagkaon, water bottles, toiletries, kag iban pa nga mga suplay.
Pahayag ni Mu Xue nga isa ka family member, may long-term rental rate nga ginahatag ang hotel sa ila nga all-inclusive stay, buot silingon, indi na kinahanglan ang dugang nga bayad para sa parking, heating, water, kag electricity.
“Today is the 229th day of our stay at the hotel. The room costs 1,000 yuan per day. Our family of eight lives very well,” pahayag sini.
Wala sang available nga data kaagot sa cost of living sa Nanyang, apang ang average rent naman para sa apartment kag duha ka kuwarto sa Shanghai ang nagalab-ot sa 20,000 yuan (P156,967) kada bulan.
Sa isa ka separado nga interview sa China, ginpahayag man ni Mu nga nagapanag-iya sang anum ka mga propiedad ang ila pamilya gani wala sang problema sa ila nga financial health.#
(via South China Morning Post)
