Nag-abanse na sa semifinals sang Philippine Basketball Association (PBA) Commissioner’s Cup si Coach Tim Cone kag ang Barangay Ginebra matapos sini ginlutos ang NorthPort Batang Pier, 106-93, sa quarterfinals sa PhilSports Arena.
Nagpanguna si Tony Bishop nga may 31 points, 15 rebounds, four assists, kag isa ka steal.
Nagdugang man si Jamie Malonzo sang 21 puntos, seven rebounds, two assists, kag isa ka steal.
Daku man ang nabulig ni Christian Standhardinger nga may double-double sang 18 points kag 10 rebounds, seven assists, kag block.
Ini na ang ikaduha nga sunod-sunod nga conference nga magaatubangay ang Ginebra kag ang sister team sini nga San Miguel Beermen sa semifinals stage.
Sang 2022-2023 Governors’ Cup, nangibabaw ang Ginebra apang nalutos sa kamot sang TNT sa finals.#
