Nalusutan nanday CJ Perez kag San Miguel Beermen sang duha gid lamang ka puntos ang Barangay Ginebra, 92-90, sa imbukada nga hampang sang semifinal series sa PBA 48th Season Commissioner’s Cup sa Smart-Araneta Coliseum.
Nanguna si Perez nga may conference-high nga 26 puntos agud mabuligan ang beermen nga makuha ang 1-0 lead sa best-of-five series batok sa Gin Kings.
Daku man ang nabulig ni Bennie Boatwright nga may 23 points, 12 rebounds, kag lima ka assists June Mar Fajardo nga may 18 points kag siyam ka rebounds.
Sa Ginebra, nagpanguna si Standhardinger nga may 21 points kag 11 rebounds kag Tony Bishop nga may 20 points kag 11 rebounds.
Sa pihak nga bahin, wala naman nagapakampante ang Magnolia Hotshots apisar nga nalutos sini ang Phoenix Fuel Masters sa imbukada nga hampang sa semi-finals, 82-79, sa Araneta Coliseum.
Gin-ako ni Hotshots guard Paul Lee nga mabudlay na nga atubangon ang Phoenix bangud sa kadamo sang adjustments sini.
Ang kadalag-an sang Hotshots ang nagpalawig pa sang ila nga winning streak sa siyam ka mga hampang.
Nanguna sa Phoenix ang import nga si Tyler Bey nga may 23 points kag 10 rebounds samtang gintib-ong naman ni Jason Perkins ang Fuel Masters sa iya game-high nga 25 points, 5 rebounds, kag 2 steals.
Patigayunon ang sunod nga pag-atubangay sang mga teams sa semis sa buwas nga adlaw, Enero 26.#
(PBA IMAGES)
