Opisyal na nga naagaw sang pelikula nga “Rewind” ang korona sang “Hello, Love, Goodbye” bilang highest grossing Filipino film of all time!
Subong nga Enero 26, nagdangat na sa P889 million ang kabug-usan nga worldwide gross sang amo nga pelikula nga entry sa 49th Metro Manila Film Festival (MMFF) kag ginabidahan sang mag-asawa nga sanday Marian Rivera kag Dingdong Dantes.
Nalapawan na sini ang P880-million nga income sang “Hello, Love, Goodbye” nanday Kathryn Bernardo kag Alden Richards sang 2019. Talalupangdon nga indi entry sa MMFF ang “Hello, Love, Goodbye” — buot silingon, nag-compete ini sa foreign kag iban nga local films. Ginbuksan ini sa mga sinehan sang Hulyo 31, 2029.
Sa pihak nga bahin, Enero 17, 2024 sang naghimo sang maragtas ang DongYan film bilang highest grossing film sa Pilipinas ukon sa domestic sales.
Nahimo ang “Rewind” sa idalom sang direksyon ni Director Mae Cruz-Alviar. Yara na ini subong sa ika-lima nga semana sa masobra 270 ka mga sinehan sa Pilipinas, United Arab Emirates, United States, Canada, Australia, New Zealand, Singapore, Guam, kag Saipan.#
