Indi happy ending ang natabo sa mag-asawa sa Turkey bangud sa reklamo sang asawa nga wala nagapaligo ang iya bana kag masami lang nagapanimaho sang balhas!
Nag-file sang divorce ang babayi sa rason nga indi na gid sini maagwantahan nga mag-upod sa iya bana.
Ginpahayag pa sang abogado sang babayi sa 19th Family Court sa Ankara nga halos isa lang ka bayo ang gina-sulit-sulit suksok sang lalaki sa sulod sang isa ka semana, daw nahadlok nga maligo, kag malaka man nga naga-toothbrush.
Nagdala pa sila sang mga testigo nga amo man ang ila nga mga kakilala kag mangin mga katrabaho sang lalaki. Palareho ang ila statement nga nagasuporta sa reklamo sang asawa.
Sang ulihi, gin-aprubahan sang korte ang request para sa divorce kag ginmanduan man ang lalaki nga magbayad sang $16,500 ukon P924,800 bilang kumpensasyon sa iya asawa nga nag-agwanta sa pag-upod sa iya bisan pa nga wala siya nagapaligo.
Sa idalom sang Turkish civil law, na-tunga sa duha ka kategorya ang mahimo mabaton nga rason para sa divorce — una, ang special reasons; kag ikaduha, ang general reasons.
Sa sini nga partikular nga kaso, ang poor personal hygiene sang bana ang makabig nga valid ground para sa divorce.
Final naman ang recent verdict nga ginpaguwa sang Regional Court of Justice kag Supreme Court of Appeals sa amo nga pungsod.#
(*A representative image only via Yahoo Movies)
