Daku kag maayo ang nangin marka sang Filipina actress nga si Liza Soberano sa iya Hollywood acting debut bilang si Taffy sa pelikula nga “Lisa Frankenstein”.
Isa sa nakasapak sa iya performance amo ang American producer kag director nga si Joe Russo nga kilala sa iya nga hinimuan nga “Hard Kill” ni Bruce Willis.
Suno kay Russo, nakapangita sang superstar ang direktor sang pelikula nga si Zelda Williams kag screenwriter nga si Diablo Cody sa persona ni Liza nga scene-stealer gid bilang si Taffy nga stepsister sang bida nga si Lisa nga ginadala ni Kathryn Newton.
“Movies like LISA FRANKENSTEIN can be great vehicles to break new stars, and @zeldawilliams and Diablo Cody found a superstar in Liza Soberano, who steals every scene she’s in as Lisa’s step-sister, Taffy,” post sini sa X.
Mangin si Newton ang una nagsiling nga “always perfect” ang Pinay actress kag wala na suno sa iya sang mangin bagay sa papel ni Taffy kundi si Liza.
Inspired ang “Lisa Frankenstein” sa gothic novel nga “Frankenstein” sang English writer nga si Mary Shelley.
Yara man sa sini nga movie si Cole Sprouse nga nag-tag man kay Liza nga ila nga favorite character sa film.
Malantaw sa mga sinehan sa Pilipinas umpisa sa Pebrero 7 ang “Lisa Frankenstein” halin sa Universal Pictures International.#
