Nabutang sa sentro sang kontrobersiya ang American singer kag songwriter nga si Demi Lovato bangud sa iya pagkanta sang iya hit song nga Heart Attack… sa isa ka cardiovascular disease event sa New York City!
Apisar madamo ang nanamian sang amo nga kanta, gina-kwestyon man kun ngaa amo sini ang iya ginpili nga i-perform sa event sang American Heart Association kun sa diin may sakit sa korason ang mga tawo.
Naglapaw sa isa ka milyon ang naglantaw sa video nga gin-post kasunod sang amo nga performance sa Go Red for Women Red Dress Collection.
Madamo ang nagmuno nga daw wala gid ginpanumduman sang maayo sang singer ang iya kantahon ilabi na bangud sang lyrics sini nga: “So I’m putting my defenses up / ‘Cause I don’t wanna fall in love / If I ever did that, I think I’d have a heart attack.”
Apang, lipod sa ihibalo sang fans nga indi present sa amo nga event, may yara sang introduction speech si Lovato kun sa diin nagpanugid ini nga nakaluwas siya sa heart attack sang 2018 kasunod sang drug overdose.
“While my next song is about the intense feelings that come with falling in love as well as heart break, opening yourself up, taking risks and not being afraid to do it again, this song has many parallels for me, my journey and a reminder for all of us in the room just how strong the mind-heart-body connection truly is,” pahayag sini bilang introduction sa “Heart Attack.”
Nagdepensa man ang representative sang singer kasunod sang bashing: “She spoke on the mind-heart connection. It was a sensitive moment intended to champion the women in the room—the very reason why Demi was at the event.”
Ginlaragway pa sang representative nga isa ka “beautiful moment” ang natabo sa amo nga cardiovascular event.#
(SLAVEN VLASIC/GETTY via Entertainment Weekly)
