Wala ginpalampas ni Senate Majority Leader Joel Villanueva ang mga pahayag ni House appropriations committee chair Elizaldy Co nga naga-angot sa iya sa pork barrel scam.

Makabig man ini nga kabahin gihapon sa nagapadayon nga word war sa tunga sang Kamara kag Senado bangud sa kontrobersyal nga people’s initiative sa pagduso sang charter change.

Ginhimo ang privilege speech ni Villanueva kadungan sang sesyon sang Senado kahapon matapos nga ginmuno ni Co sang nagligad nga semana ang kaso sa Ombudsman kun sa diin suno sa congressman, may supposed perpetual disqualification kuntani sa senador.

Nagsabat naman si Villanueva nga bisan ang National Bureau of Investigation (NBI) ang nakapaguwa na sang dokumento kun sa diin naplastar nga gin-forge lamang ang iya pirma sa dokumento nga amo ang ginbasehan sang kaso sa Ombudsman.

Suya man ang senador bangud nga 2019 pa na-dismiss ang kaso apang ginabalik-balik ini ni Co.

Kag bangud gin-unahan, diri na kag nagbalos ang senador kag ginpangbuyagyag man ang mga alegasyon sini sa mamalidha.

Pahayag sini, naangot si Co sa Sunwest Corporation, isa ka kumpaniya nga gina-alegar nga ginapanag-iya sang congressman kag isa suno sa senador sa pinakadaku nga kontraktor sang gobyerno sa pungsod amo man ang kaangtanan sang firm sa kontrobersyal nga Pharmally deal kag ang laptop deal sang Department of Education (DepEd).

Suno kay Villanueva, ginpangkalkal niya ini nga mga isyu kag atraso bangud personal man nga mga pagpang-atake ang ginhimo ni Co.

Sa ending sang speech sang senador, ginsulit sini ang mga tinaga ni Speaker Martin Romualdez nga INDI MANGHABOY SANG BATO KUN NAGAPUYO KA SA BULUK-ON NGA BALAY.

Nagpakita man sang suporta sanday Senador Pia Cayetano, Ronald “Bato” dela Rosa, JV Ejercito, Sonny Angara, kag Senate President Juan Miguel Zubiri para kay Villanueva kun sa diin may hinaksanay pa nga natabo.

Naghatag naman sang advice si dela Rosa sa mga gusto mag-atake kay Villanueva nga mag-atake lamang sa isyu nga gina-istoryahan sang Senado kag Kamara kag likawan na nga mag-atake sang personal bangud daw kaangay suno sa iya nga atake man ini sa 23 ka iban pa nga mga senador nga solid ang suporta sa majority leader.

WALA NAGAPANG-BULLY

Sa sini nga sabtanay sang Senado kag Kamara, nagpahayag naman si Deputy Speaker Quezon 2nd district Rep. David “Jay-jay” Suarez nga wala gina-bully sang mga congressman ang ila nga mga counterpart nga mga senador.

Suno kay Suarez, basi kun wala lang naanad ang mga senador nga mas vocal na kag proactive ang Kamara subong.

Sang nagligad nga Chinese New Year, matandaan nga si Senator Nancy Binay ang nagsiling nga wish niya nga untaton na sang Congress ang parliamentary bullying.

Suno kay Binay, makahuluya ang paminatasan sang pila ka mga mamalidha kag indi standard kun paano dapat maggawi bilang myembro sang Kongreso.

“May nabasa kasi ako na binubully daw namin yung Senate. No, not at all. I think what the Senate is realizing now is we have a House of Representatives that is more vocal. Kasi dati, nag-aantay lang kami kung ano gagawin ng Senate, nag-aantay kami, tahimik, kung ano magiging development. But right now, you see the aggressiveness of members of the House when it comes to tackling national issues,” suno sa deputy speaker.

“I think what the Senate is seeing is that the House is more vocal when it comes to national issues. The House is more vocal talking about issues close to their heart. The House is reacting to what is happening in our country. And in any democracy, that should be a welcome development,” dugang sini.#