Makahalanusbo ang naabtan sang isa ka lapsag nga ginsulod sang iya iloy sa oven bangud nasal-an ini nga kuna.
Natabo ini sa Missouri sa Estados Unidos sang Amerika kun sa diin ang iloy ang ginkilala nga si Mariah Thomas nga subong nagapangatubang na sang kaso bangud sa nahimo sa iya kaugalingon nga anak.
Suno sa reports sang US media, sang nag-abot na ang otoridad, nakit-an nga wala na gid nagaginhawa ang bata kag puno ini sang paso.
“She was clothes in a bodysuit over a diaper. The clothing appeared to have melted into the diaper, and it was very dirty, possibly burned on the backside. A baby blanket with significant burn marks was located in the living room and was collected,” nakasaad sa charging documents.
Suno sa nagtindog nga testigo, ginbutang ni Thomas ang bata agud nga makatulog apang sa oven niya ini nasulod sa baylo nga sa kuna — apang wala man gin-athag kun paano nga nagsala ang iloy sa iya nga aktwasyon.
May separado man nga report nga nagaguwa kun sa diin gindetalye sang suod nga abyan ni Thomas nga naga-suprer ini sang mental illness halin sang bata pa.
Ginpahayag nga nag-untat lamang si Thomas sa pag-inom sang iya nga bulong samtang nga nagabusong ini sa iya bata nga si Baby Za’Riah.
Sang nabun-ag na sini ang bata, wala man ini nagbalik sa pag-inom sang bulong kag nagakadlaw-kadlaw lamang kun pamangkuton.
Suno sa abyan, isa ka bulan matapos nga nakabata, nakit-an nga naglain na naman ang mental health ni Thomas kag masami ini nga nasubuan. Gin-alegar nga wala man ini nanamian nga nagustuhan lang siya sang tawo bangud may yara siya sang Baby Za’Riah.
Apisar sini, nagapanindugan ang abyan nga nagapati siya nga indi hungod ni Thomas nga patyon ang lapsag bangud tuman niya ini ka palangga.
Sa statement, ginlaragway naman sang Jackson County prosecuting attorney nga si Jean Peters Baker nga isa ka “gruesome nature” ang natabo sa amo nga trahedya kag ginalauman nga makasabat gilayon ang criminal justice system sa sini nga sirkumstansya.
“We acknowledge the gruesome nature of this tragedy and our hearts are weighted by the loss of this precious life. We trust the criminal justice system to respond appropriately to these awful circumstances,” suno kay Jackson County Prosecutor Jean Peters Baker.#
