Ginpabugal sang Department of Tourism (DOT) nga isa ka madinalag-on nga income-generating industry ang diving para sa turismo sa Pilipinas bangud sa naamot sini nga masobra P73-billion sa ekonomiya sang 2023.
Ini nga income sang dive industry sang nagligad nga tuig ang halos doble sa P37 billion nga natipon naman sang 2022.
Ginreport ini ni Tourism Secretary Christina Garcia Frasco kadungan sang pagbukas sang Philippine International Dive Expo 2024.
Mangin si President Ferdinand Marcos, Jr. ang nagpasalig nga padayunon ang pag-establisar sang pungsod bilang hotspot para sa marine biodiversity.
Ginpahayag man sini nga gina-trabaho sang gobyerno ang pagpadayaw sang dugang nga dive destinations kag pagpangganyat sang dugang nga potential investors agud nga mapasangkad pa ang dive tourism industry sector sa Pilipinas.
Nahibaluan nga daku ang pangalan sang Pilipinas pag-abot sa diving — halimbawa amo ang pag-award sang World Travel Awards sa Pilipinas bilang World’s Leading Dive Destination sa lima na ka sunod-sunod nga tuig halin sang 2019.
Ang Philippine International Dive Expo 2024 ang gin-organisar sang DOT.
Tatlo ka adlaw ini nga pagtilipon sang diving community. Nagbukas ini sa World Trade Center Manila sang Pebrero 23, 2024 kag nagtakop kahapon, Pebrero 25.#
(Photo: The Very Hungry Mermaid)
