ILOILO CITY- Natalana nga mag-away liwat sa ring ang Pinoy boxer nga si Eumir Marcial sa isa ka homecoming fight sa padayon niya nga preparasyon para sa 2024 Paris Olympic Games.
Ang Olympic bronze medalist ang magaatubang kay Thoedsak Sinam sang Thailand sa Marso 23 sa Ninoy Aquino Stadium sa Manila.
Suno sa 5-foot-11 boxer, ginapangabay gid niya sa tanan nga Filipino boxing fans nga suportahan siya sa amo nga super-middleweight fight.
Una na nagpadulong si Marcial sa United States agud nga pabaskugon pa ang training sini para sa Paris Games kun sa diin makaatubang sini ang pila sa mga pinakasampat nga international counterparts.
Ini amo sanday Oleksandr Khyzkniak sang Ukraine, Toqtarbek Tanatqan sang China, two-time Olympic gold medalist Arlen Lopez sang Cuba, Callum Peters sang Australia, kag Abdelrahman Oraby sang Egypt.
Kasunod sang amo nga sambuwa, magabalik naman ang 28-anyos nga sa United States agud padayunon ang iya build-up para sa Olympics.
