Madamo ang nagdayaw kay Liza Soberano bangud matapos ini nagbiya sa Philippine show business, indi lamang Hollywood ang ginsulod sini kundi nakalab-ot naman sa Japan!
Isa ang 26-anyos nga aktres sa mga celebrities nga agaw-atensyon sa iya pagtambong sa Crunchyroll 2024 Anime Awards sa Tokyo, Japan kun sa diin isa man siya sa presenters.
Si Liza ang nag-present sang winner para sa “Best Anime Song” kag ginpakilala siya bilang “isa sa pinaka-popular sa Philippine cinema, ang tingog ni Alexandra Trese sa anime series nga ‘Trese’, kag isa man sa mga bida sa Hollywood film nga Lisa Frankenstein.”
Flawless ang presentation ni Liza sa awards ceremony nga ginkabilib sang fans.
Ini nga seremonya nga una nga ginhiwat sang 2017 ang gin-organisar sang anime streaming service nga Crunchyroll agud pasidunggan ang best anime productions sang nagligad nga tuig.
Lakip sa lineup sang esteemed celebrity presenters para sa pre-show kag live event amo ang sports figure nga si DeMarcus Lawrence halin sa Dallas Cowboys; wrestler kag actor nga si Mercedes Varnado; ang acclaimed Academy Award-winning duo sa likod sang “Spider-Man: Into the Spider-Verse” nga sanday Phil Lord kag Chris Miller.
May isa pa ka Pinoy pride nga yara sa amo nga event sa persona sang singer-actress nga si Ylona Garcia.#
