Nagalab-ot sa P50 ang gin-nubo sa presyo sang kada kilo sang tamudyos sa mga merkado.
Ginaangot ini sang Bureau of Fisheries and Aquatic Resources (BFAR) sa pagpahanugot na sa commercial fishers nga mag-operate liwat sa Visayan Sea, Zamboanga peninsula kag Palawan matapos nga nagtakop na ang closed fishing season sang nagligad nga Pebrero 15.
Pahayag pa ni BFAR spokersperson Nazario Briguera, ang hulag sa presyo sang isda ukon ang pagsaka ang ginalauman lamang sa Semana Santa bangud ginalikawan sang mga tawo ang pagkaon sang karne.
Apang ang importante suno sa iya, bastante katama ang suplay subong.
Ginpahayag man sini nga naga-import lamang sang isda ang Pilipinas kun may yara sang fishing ban. #
