Gin-file sa Senado ang resolution agud nga kilalahon ang nagtaliwan nga beterana nga aktres nga si Jaclyn Jose.
Sa Senate Resolution 942 nga gin-propose ni Senator Jinggoy Estrada, nakasaad ang mensahe sang simpatiya halin sa Senado kasunod sang pagtaliwan sang aktres nga Mary Jane Guck ang matuod nga pangalan.
Ginlaragway man ini bilang “versatile and hardworking actress” kag “Queen of Under Acting”.
“Jaclyn Jose has proven to be a versatile and hardworking actress… known as the ‘Queen of Under Acting’ for her distinctive and exceptional ‘no acting style of acting’ which captivated audiences. Jaclyn Jose’s sterling acting career spanned four decades, inspiring generations of actors and film enthusiasts,” kabahin sang nakabutang sa resolution.
Nakabutang man ang maragtason nga award sang aktres bilang labing-una nga Filipino kag Southeast Asian nga nakadaog sang Best Actress award sa 69th Cannes Film Festival.
“Her acting prowess, profound portrayals of different characters, and depth as an actress truly made an indelible mark in the country’s entertainment industry. Jaclyn Jose brought life to her roles, making them feel real and relatable, transcending borders, and touching the hearts of those who watched,” kabahin pa diri.
Kahapon sang ginkumpirma sang anak ni Jaclyn nga si Andi Eigenmann nga napatay ang iya iloy sang Marso 2 sa edad nga 60-anyos bangud sa atake sa korason.#
