Nag-angkon sang nanari-sari nga reaksyon ang isa ka post ni Quezon City First District Rep. Arjo Atayde sang gin-greet sini ang iya asawa nga si Maine Mendoza sa iya nga political Facebook page nga “Congressman Arjo Atayde” kag may logo pa sang House of Representatives.
Marso 3 sang na-post ang birthday greeting para sa TV personality nga may caption: “Happy Birthday to the woman of my life. May your day be filled with a million moments of laughter and love.”
May yara pa sang tatlo ka green heart emojis nga amo ang political signature color sang actor-turned politician, may logo sang Kamara sa wala, kag may logo ni Arjo nga duha ka green nga As sa tuo.
Apisar madamo ang nag-‘heart’ react sa amo nga post, madamo man ang nagkomento kun ngaa gingamitan pa ini sang logo sang lower chamber.
Pila sa komento:
“Pag ako naging Presidente, The Official Gazette ang gagamitin ko pambati para sa baby ko (#).”
“I’m a politician, of course kapag babati ako, kailangan may logo ko.”
“Andam2x sa akong mauyab, i post tikas mga religious pages nga akong gi handle.”
May yara sang separado nga Facebook page si Arjo nga verified kag may masobra 1.1 million followers kun sa diin may birthday greeting man ini para kay Maine: “Happy Birthday to the woman of my life. May your day be filled with a million moments of laughter and love.”##
