Ginpasalig sang Kamara nga wala ini sang palampason sa imbestigasyon kaangot sa gina-alegar pagbaligya sang bugas nga stocks sang National Food Authority (NFA) sa tuman ka barato nga presyo kag wala pa nag-agi sa husto nga public bidding.
Ginpahayag ini ni House agriculture and food panel chairperson kag Quezon Representative Mark Enverga matapos nga nagdagdag ang Office of the Ombudsman sang mandu nga isuspinder ang 139 ka mga opisyal sang NFA bangud sang pagbaligya sang bugas halin sa warehouse sang talatapan sa balor nga P25 kada kilo sa pili lamang nga mga traders.
Sa kabug-usan, may yara sang 75,000 ka bugas nga involved sa sini nga isyu nga suno sa Department of Agriculture (DA) nabaligya sa balor nga P93-million.
Suno kay Enverga, wala sang santuhon kag pasin-uhon ang committee sa ila nga imbestigasyon nga matabo na subong nga adlaw, Marso 7.
“The Speaker has always tasked the Committee to probe everything. Walang sasantuhin, walang sisinuhin,” pahayag sini sa press conference, Marso 6.
Nahibaluan nga lakip sa nasuspinde nga opisyal amo mismo ang administrator sang NFA nga si Roderico Bioco.
Ginpahayag man sang mamalidha nga tun-an man sa ila nga imbestigasyon kun ano ang kulang sa ahensya kag kun kinahanglanon pa bala ang existence sini.
Sa senado, may resolution man nga gin-file si Senator Imee Marcos kun sa diin imbestigaran man ang amo nga isyu.
Sa bahin naman ni President Ferdinand Marcos, Jr. nga amo anay ang nagapamuno sa DA, ginsiling sini nga ang suspensyon sang masobra 130 ka mga opisyal sa NFA ang wala lamang nag-ugat sa eskandalo sa pagbaligya sang bugas, kundi resulta man sang iban nga mga aktibidad nga wala nahimo sang husto, wala sang approval halin sa board, kag wala sang diskusyon sa NFA, DA, kag sa Gabinete.
”So, we have taken the safe measure of suspending all of those who have been shown to have been involved in any of these wrongdoings such as the anomalous sale but also the cavalier way in which the procedures that have been set out in the rules have been ignored,” suno sa presidente.
Ginpahayag man sang presidente nga ginmanduan sini ang DA nga busision gid ang trading processes sang NFA sa tunga sang natabo nga eskandalo.#
