Madamo ang napuhag bangud sa emergency landing sang isa ka helicopter sa bakante nga lote sa banwa sang Guindulman sa probinsya sang Bohol — nga sang ulihi natukiban nga ang rason amo ang isa ka burador!
Natabo ini sa Sitio Sta. Lucia, Barangay Trinidad, Guindulman, isa ka fourth class municipality nga nahamtang 91.5 km east sang capital city nga Tagbilaran.
Suno sa mga residente, antes pa man maghugpa ang helicopter, nakit-an na nila nga may deperensya sa paglupad sini.
Sang nakaabot na sa bakante nga lote, gin-check sang piloto kun ano ang problema kag may nakit-an nga nylon string sang burador sa rotor blades sang helicopter.
Hilway sa katalagman ang piloto kag duha ka mga pasahero kag wala man sang nakit-an nga damage sa helicopter rason nga naglupad man gilayon dies minutos matapos ang emergency landing.
