ILOILO CITY- Ginalauman nga sarang mag-generate sang tubtob sa P400 billion nga revenue ang Pilipinas gikan sa bag-o nga industriya nga naga- involve sang engineered bamboo.
Suno kay Department of Agriculture Undersecretary Deogracias Victor Savellano, sa subong, ang wood-based construction material ang 94% nga imported.
Apang sa tion nga ma-maximize ang potensyal sang kawayan bilang alternatibo sa steel ukon glass sa construction, dako ang benepisyo sini sa ekonomiya.
Ginpahayag ni Savellano nga kinahanglan lang sang gobyerno nga mag- formulate sang mga polisa nga nagalakip sang kawayan sa National Building Code ukon National Structural Code.
Suno pa kay Savellano, ang engineered bamboo ang maayo nga substitutes sa national construction industry.
Dugang ni Savellano nga amo man ang nagapungko bilang vice chairman sang Philippine Bamboo Industry Development Council (PBIDC), importante nga mapasar ang House Bill 9144 ukon “An Act Integrating Bamboo as a Sustainable Material for the Built Environment” agud labi nga makapangapital ang Pilipinas sa global market para sa engineered bamboo.
