ILOILO CITY – Naglab-ot sa P420 per kilo ang pinakataas nga presyo sang baboy sa probinsya sang Iloilo santo sa Provincial Veterinary Office.
Sa interview sang Bombo Radyo kay Dr. Darrel Tabuada, Iloilo Provincial Veterinarian, iya ginpahayag nga isa sa mga rason sa pagtaas sang presyo sa probinsya, amo bangud sa manubo nga supply sang baboy.
Suno kay Tabuada, ang banwa sang Pavia kag Sta. Barbara ang may pinakamataas nga presyo subong sang kada kilo sang baboy sa bug-os nga probinsya.
Ginpahayag man sang natungdan nga naga-average sang P379 per kilo ang presyo sang baboy sa Iloilo Province sa diin P350 per kilo ang pinakamanubo nga mabakal.
Nahibaluan nga ang pagtaas sang presyo sang baboy ang bangud man sa inflation kag transport cost nga ginapatong sang manog-baboy.
