Gindumilian sang Pilipinas ang pagpasulod sang domestic kag wild birds halin sa Sweden kag Czech Republic bangud sa outbreak sang avian influenza sa duha ka nasambit nga pungsod.
Base sa Memorandum Orders 11 kag 12 nga ginpaguwa ni Agriculture Secretary Francisco Tiu Laurel Jr., lakip man sa gin-ban amo ang produkto sini lakip ang poultry meat, day-old chicks, eggs kag semen.
Enero 5 kag Enero 30 sang gin-report sang Sweden kag Czech Republic ang outbreak sang highly pathogenic nga avian influenza H5N1 sa ila tagsa ka hurisdiksyon.
Ang bird flu ang madasig nga nagalapta sa wild aquatic birds sa bilog nga kalibutan kag mahimo maka-infect sa domestic poultry, kag iban pa nga bird kag animal species suno sa US Centers for Disease Control and Prevention.#
