Nagtaliwan na si Shigeichi Negishi, ang 100-anyos nga Japanese inventor sang labing-una nga commercially-available nga karaoke machine.
Ang iya produkto nga “Sparko Box” ang una nga nag-abot sa market sang 1967 kag ginakilala sang All-Japan Karaoke Industrialist Association nga pinakauna nga karaoke machine sa kalibutan.
Lakip man siya sa lima ka Japanese inventors nga independent nga naghimo sang karaoke machines halin sang 1967 tubtub sang 1971.
Magluwas diri, kilala man siya nga founder sang isa ka kumpaniya nga naga-assemble sang consumer electronics kaangay sang transistor radios.
Sang 1967, naisipan sini ang ideya sa pag-wire sa microphone, speaker kag tape deck kag pagpatukar sang instrumental recording sang isa ka kanta. Bangud may nakit-an nga commercial potential sa device, ginbutang ni Negishi ang ginabanta 8,000 ka Sparko Boxes sa nagkalain-lain nga lokasyon sa Japan lakip na sa restaurants. Indi pa ini tuman ka uso sang una rason nga nagguwa man ini sa iya nga karaoke business sang 1975.
Naglain naman ang dalagan sang negosyo sang nag-invest na ang major manufacturers, nakilala ang karaoke, kag nahimo na nga kalingawan pati sa iban nga mga pungsod.
Apisar nga si Negishi ang una nga naghimo sang karaoke machine, masami gid nga gina-attribute sang mga tawo ang invention sang karaoke sa nightclub musician nga si Daisuke Inoue nga independent man nga naghimo sang iya kaugalingon nga karaoke machine sang 1971.
Nabun-ag si Negishi sa Tokyo sang Nobyembre 1923 kag nagtuon sang economics sa Hosei University sa amo man nga syudad.
Nangin kabahin sang Japanese Army sang tion sang World War II kag napreso sa sulod sang duha ka tuig sa prison camp matapos ang kalutusan sang Japan sa kamot sang Singapore.
Nakaguwa siya sang 1947 kag ang iya karera naman sa electronics industry ang nakilala man kadungan sang iya nga post-war business boom sa Japan.
Sang nag-retiro siya sa edad nga 70, nagtutok siya sa iya nga hobbies — basket-making, sculpting kag syempre, karaoke singing.
