ILOILO CITY — Ginakabig ni Iloilo City Police Office Director Police Colonel Joeresty Coronica nga indi maka-alarma ang mga kaso sang iligal nga druga sa Iloilo City.
Sa interview sang Bombo Radyo kay Coronica, iya ginpahayag nga apisar nga kalabanan sa mga transaksyon sang illegal drugs ang nagakatabo sa syudad, indi makabig nga tanan ini ang makonsumo sang Iloilo City.
Suno kay Coronica, tubtob padayon nga nagakaladakpan ang mga durugista sa syudad kag ma-recover ang mga dalagko nga balor sang druga, wala sang dapat nga ika-alarma.
Ginpahayag man sang natungdan nga isa sa mga mandatu sa ila sang Police Regional Office 6 amo ang unahon ang mga dalagko nga indibiwal nga nagapatigayon sang iligal nga buluhaton.
Matandaan nga kahapon nga adlaw, na-recover sa lima ka mga indibidwal ang masobra isa ka kilo nga shabu sa Barangay Tanza Baybay, Iloilo City Proper nga may drug price value nga P7.174 million.
