Itiglawas sang 29-anyos nga Filipina-Kiwi actress nga si Franki Russell ang pungsod New Zealand sa Miss Universe pageant subong nga tuig.
Na-appoint si Russel sa amo nga posisyon matapos nga ginhingadlan man ang Filipino entrepreneur nga si Josh Yugen bilang bag-o nga national director kag franchise owner sang Miss Universe New Zealand.
Sang 2021, nagpasakop man ang aktres sa Miss Universe UAE kun sa diin sulod ini sa top 30.
Sa Pilipinas, lakip sa pinakaulihi sini nga proyekto amo ang pelikula nga “Pabuya” kun sa diin kaupod sini ang ex-boyfriend nga si Diego Loyzaga.
Patigayunon ang 73rd Miss Universe edition sa Mexico kun sa diin pagapilian ang magabulos sa trono ni Sheynnis Palacios sang Nicaragua.
