Gintumba sang Pinoy boxer nga si Eumir Marcial ang Thai nga kasumpong nga si Theodsak Sinam sa iya labing-una nga pro boxing fight subong nga 2024.
Left uppercut ni Marcial ang nagtupa kay Sinam sa fourth round nga wala sini nasarangan kag wala gid nakabangon sa atubang sang Pinoy boxing fans sa Ninoy Aquino Stadium sa Malate, Manila.
Bangud sa pag-untat sang hampang uno minuto kag 33 segundos makaligad sa ika-apat nga round, nagsaka na sa 5-0 ang matinlo nga rekord ni Marcial sa professional boxing kun sa diin tatlo ang knockouts.
Nadagdag naman ang rekord ni Sinam sa 23-14 nga may 19 ka knockouts.
Magluwas nga ini ang imbukada nga hampang ni Marcial subong nga 2024 nga espesyal bangud personal nga ginsaksihan ini sang mga Pinoy fans, ini man ang katapusan nga sambuwa antes ang pagsabak sa 2024 Paris Olympics kun sa diin tuyo sini nga makuha ang gold medal sa light heavyweight.
Sandig sa local officials, makaupod sang Zamboangueño pride ang Philippine Team sa paghanas didto sa training camp sa Colorado Springs, USA.
