Indi basta-basta ang debut ni Justin Brownlee sa Indonesian Basketball League bangud nag-double-double ini kag nahakwat pa ang team nga Pelita Jaya sa kadalag-an.
Ginlutos sang Pelita Jaya Jakarta ang kasumpong nga RANS Simba, 85-67.
Halos 28 minutos lamang ang ginlawig sang Ginebra super import sa hampang apang nakabubo ini sang solid 14 points, 11 rebounds, three assists kag two steals.
Patas ang 35-anyos nga Gilas star kag ang anay PBA import nga si Thomas Robinson nga may 14 points.
Nagapangatlo na subong ang Pelita Jaya sa standings nga may 8-1 record.
Ini nga team nga three-time champion sa Indonesian League ang nagkuha kag nagpirma sang kontrata kay Brownlee samtang nga nagapahuway ini kag nagapreparar para hampang sang Gilas Pilipinas sa FIBA Olympic Qualifying Tournament sa Riga, Latvia.
