ILOILO CITY – Napaslawan ang Philippine men’s national football team nga makuha ang ila una nga daug sa 2026 FIFA World Cup Qualifiers.
Ini matapos naangkon sang Nationals ang mapait nga 5-0 nga kapierdehan batok sa Iraq sa Group F clash sa atubang sang 10,014 fans sa Rizal Memorial Stadium sa Manila kagab-i.
Matapos ang penalty sa Filipino strikers sa una nga bahin sang hampang, ginhingalitan ini ni Aymen Hussein sang Iraq kag ginhatag ang 1-0 lead.
Sunod nga naka-goal siAmir Fouad sa 30th minute, samtang si Hussein ang nakahimo sang ikatlo nga goal makaligad lang ang anom ka minutos.
May tsansa na kuntani si Santi Rublico nga makahimo sang first goal sang Pilipinas sa 38th minute, apang ini ang nabalabagan sang defense sang Iraq.
Sa bahin sang Iraq, nakahimo si Zidane Aamar Iqbal sang goal sa 60th kag si Zaid Tahseen Hantoosh sa 77th.
Ini ang ikaduha nga straight defeat sang Pilipinas batok sa Asian powerhouse matapos napierde man sila sa Iraq sang Marso 22 sa Basra.
Ang Pilipinas wala pa gid sang daug sa apat ka games kag subong may isa ka draw kag three defeats,samtang ang Iraq ang yara sa top sang ila grupo nga may 4-0-0.
