Sa labing-una nga tion sa maragtas sang Miss Universe pageant, may kandidata na nga magatiglawas sang Kingdom of Saudi Arabia!
Ini amo si Rumy Al-Qahtani, 27-anyos nga model, influencer, kag beauty pageant veteran nga naka-compete na anay sa nagkalain-lain nga kumpetisyon kaangay sang Miss Woman International, Miss Global, Miss Planet International kag Miss Arab World.
Nadag-an naman sini ang mga titulo nga Miss Saudi Arabia, Miss Middle East, Miss Arab World Peace, kag Miss Woman (Saudi Arabia).
Updan sini ang iban nga delegates para sa 73rd Miss Universe pageant nga hiwaton sa Mexico subong nga tuig.
Ang partisipasyon sang Saudi sa Miss Universe ang nalakip sa sunod-sunod nga tikang sang kingdom sini nga mga tinuig agud mas magin moderno kag ma-diversify pa ang ila lugar.
2018 sang gin-untat man ang dinekada na nga pagdumili sa mga babaye nga mag-drive nga kabahin sang tikang sang gobyerno para sa gender equality kag women empowerment.
