Ginpahanumdom sang local government sang Malay sa mga bars, hotels, kag mga turista nga istrikto nga ginadumilian ang mga party kag ang matunog nga mga musika sa Boracay Island subong nga Byernes Santo.
Suno kay Malay Mayor Frolibar Bautista, pirmado sini ang Memorandum Order 2024-36 nga nagadumili sang pag-isyu sang permit para sa mga party kag kaangay nga aktibidad.
Ini ang pagpakita sang respeto sa pagpati sang mga Kristyano para subong nga adlaw, Marso 29.
Ang tradisyon nga ginadmulian ang parties sa Good Friday sa Boracay ang nagsugod sang 2009.
Ini nga memorandum ang epektibo 6:00 kaina sang aga kag bawion man epektibo 6:00 sa aga sa Sabado de Gloria.
Ang tanan nga bars kag resorts nga magalapas sa sini nga order ang dagdagan sang penalidad.
