Patay ang 27-anyos ng British-American actor nga si Chance Perdomo bangud sa aksidente sa motor.
Ang kamatayon sini ang ginkumpirma mismo sang iya nga publicist kag gindetalye man nga wala na sang iban pa nga involved sa aksidente.
“On behalf of the family and his representatives, it is with heavy hearts that we share the news of Chance Perdomo’s untimely passing as a result of a motorcycle accident,” kabahin sang statement sang iya representative nga si Rachel Hunt.
Kilala si Chance bilang si Andre Anderson sa TV series nga “Gen V”, ang spinoff series sang “The Boys,” kag bilang si Ambrose Spellman sa apat ka seasons sang “Chilling Adventures of Sabrina” sa Netflix.
Sang 2019, nominado man si Perdomo bilang best leading actor sa BAFTA TV Award bangud sa iya papel sa TV movie nga “Killed by My Debt.”
“His passion for the arts and insatiable appetite for life was felt by all who knew him, and his warmth will carry on in those who he loved dearest,” dugang sa statement sang iya representative.#
