Opisyal na nga ginpakilala sa publiko ang 40 ka mga kandidata nga amo ang magapaindis-indis agud magabulos sa korona ni Miss Philippines Earth Yllana Marie Aduana.
Ang tiglawas sang Iloilo City amo ang 26-anyos nga si Shaima Robles Al Yansuri nga nagpakilala sang iya kaugalingon nga, “a woman of purpose and a woman of the Earth.”
Tumandok si Shaima sang banwa sang Guimbal kag nag-gradwar sa West Visayas State University- College of Communication.
Nakuha sini ang titulo nga Miss Iloilo Paraw Regatta 2024 kadungan sang sashing ceremony sang nagligad nga Enero 21, 2024.
Ang 2024 Miss Earth Philippines pageant amo na ang 24th edition sang national competition kun sa diin ginatib-ong ang environmental protection.
Si Aduana nga amo ang reigning Miss Earth Philippines ang ginkoronahan bilang Miss Earth-Air sa culmination sang 2023 Miss Earth pageant sa Ho Chi Minh City sa Vietnam sang December. Ang winner sang sini nga edition amo si Drita Ziri halin sa Albania.
Sa pihak nga bahin, ang Miss Philippines Earth 2024 winner amo naman ang maga-representar sa 24th Miss Earth pageant sa Vietnam subong nga tuig kag magatinguha nga mangin ikalima nga Pinoy nga makakuha sang titulo kasunod kanday Karla Henry (2008), Jamie Herrell (2014), Angelia Ong (2015), kag Karen Ibasco (2017).#
(Miss Ph Earth via Philstar Life)
