Gin-anunsyo sang Miss Universe Philippines Organization nga may napilian na nga official candidate ang Quezon City para sa 2024 national competition.
Ini amo si Camille Isabel Tomelden Lagmay nga amo anay ang captain sang University of the Philippines Varsity Pep Squad, ang Philippine national cheerleading team, sang 2015.
Sang ginpatigayon ang pageant sa Quezon City sang nagligad nga Pebrero, ang Filipino-Nigerian nga si Lorraine Ojimba ang ginkoronahan samtang first runner-up naman si Lagmay.
Apang sang nagligad nga semana, nag-atras si Ojima sa national pageant bangud sa problema sa ikaayong lawas.
Apisar nga madamo na nga aktibidad ang napasakupan sang iban nga kandidata, tinguhaan ni Lagmay sang Bagumbayan agud nga marepresentar sang maayo ang syudad.
55 ka mga kandidata ang magapaindis-indis sa national pageant kun sa diin koronahan ni Michelle Dee ang iya successor sa Mall of Asia Arena sa Bay City, Pasay sa Mayo 11, 2024.#
