Nagapanguna si Robert Bolick sang NLEX Road Warriors sa karera para sa Best Player of the Conference sa 2024 PBA Philippine Cup.
Siya man subong ang best scorer kag playmaker sa liga nga may average nga 29.5 points kag 7.2 assists, kun sa diin nabulsa sini ang 49.2 statistical points agud pangunahan ang iban nga basketball stars sa amo nga kategorya.
Nagapangaduha si Arvin Tolentino sang NorthPort nga may 43.6 statistical points matapos nakatipon sang 24.0 points, 7.6 rebounds, kag 5.0 assists per outing sa lima ka mga hampang.
Iban pa sa balantayan nga pangalan amo ang star rookie sang TerraFirma nga si Stephen Holt; ang seven-time PBA Most Valuable Player nga si June Mar Fajardo; kag ang Rain or Shine stalwart nga si Leonard Santillan.#
