“Very happy and happily married.”
Ini ang status subong ni Angel Locsin apisar pa nga madugay na ini nga wala nakapakita sa publiko kag wala gid sang update sa fans kun kamusta ang iya sitwasyon.
Ginklaro ini sang iya best friend nga si Dimples Romana sa pihak sang nagabalik-balik nga espekulasyon nga bulagay na si Angel kag ang iya bana nga si Neil Arce.
Pahayag naman ni Dimples, nagakitaay gihapon sila sang beterana nga aktres, kag nakit-an sini nga maayo ang pagtatap ni Neil kay Angel.
Gindugang man sini nga gina-enjoy sang mag-asawa ang ila tyempo nga malayo sa social media.
Pamatuod man ini suno kay Dimples nga indi tanan sa social media ang sarang makabulig gid sa isa ka tawo, kag mahimo gihapon mangin malipayon apisar wala ini. Nagpahayag man si Dimples nga mangin siya ang nagalaum man nga tapuson na ni Angel ang iya showbiz hiatus bangud madamo na gid nga fans ang nahidlaw sa iya.
“She’s so light hearted and you just feel that she’s very very happy so once na mag-decide siya at pinag dadasal natin ‘yun na malapit na ‘yun, I’m excited that I get to work with her but this time, we get to bond with each other, hindi lang sa personal but sa work,” pahayag ni Dimples.
Si Angel, 38, ang isa sa pinakakilala nga aktres sa Pilipinas kag multi-awarded sa papel sini sa nagkalain-lain nga teleserye kag pelikula kangay sang Darna, Lobo, Love Me Again, In the Name of Love, Unofficially Yours, family drama nga One More Try, spy-action thriller series nga The General’s Daughter, kag madamo nga iban pa.#
