ILOILO CITY- Napaslawan ang Pinay tennis sensation nga si Alex Eala sa iya hampang sa WTA 125k Oeiras sa Portugal matapos ang kapierdehan nga naangkon sa kamot sang kasumpong nga Russian sa round of 32.
Ang orihinal nga atubangon kuntani ni Eala amo si Gabriela Lee of Romania, apang ini ang ginbuslan sang lucky loser nga Russian nga si Julia Avdeeva.
Si Avdeeva ang ranked 208th sa kalibutan sang World Tennis Association.
Nagdaug si Eala sa first set apang napierde sa nabilin nga duha ka sets batok kay Avdeeva.
Sa pihak sang kalutusan, nakahimo naman si Eala sang bag-o nga all-time career high sa women’s singles tennis.
Siya ang nagsaka sang ranking halin sa no. 172 kag nangin rank no. 169 sa kalibutan.
Natalana naman si Eala nga maghampang sa French Open Qualifiers sa Mayo.
