ILOILO CITY- Nadakpan sa buy bust operation sa Dungon A, Jaro, Iloilo City ang apo sang anay druglord nga si Richard Prevendido.
Ang subject amo si Averose Prevendido, 18, residente sang Bakhaw, Mandurriao, Iloilo City kag anak ni Nognog Prevendido.
Ini ang ginakabig nga High Value Individual.
Sa interview sang Bombo Radyo kay Police Captain Ryan Christ Inot, team leader sang Regional Police Drug Enforcement Unit 6, iya ginpahayag nga isa ka bulan man ini nga ginpaidalom sang otoridad sa monitoring antes natigayon ang operasyon.
Nakuha kay Averose ang P476,000 nga balor sang ginapatihan shabu.
Magapangatubang ini sang kaso nga paglapas sa Republic Act 9165 ukon ang Comprehensive Dangerous Drugs Act of 2002.
