Sulod na sa finals ang Pinoy Olympian kag anay world champion nga si Carlos Yulo para sa kategorya nga vault kag parallel bars sa 2024 Artistic Gymnastics World Cup series sa Doha, Qatar.
Ini matapos nakuha sini ang pareho nga pangaduha sa pwesto nga may score nga 14.966 sa vault kag 14.633 sa parallel bars.
Nagpang-21 naman ini sa pwesto sa apparatus kag wala na nakapadayon sa finals bangud top 8 competitors lamang ang maga-abanse.
Tuyo ni Yulo nga madugangan ang iya bronze medal nga nakuha sa men’s floor exercise sa Baku leg sang World Cup samtang nga ginapreparahan man sini ang Paris Olympics.
Una na nga ginpahayag sang Gymnastics Association of the Philippines nga gusto sang Pinoy pride nga magpadayon sa pag-compete bisan nga wala ini sang gold medal sa World Cup bangud ang target sini amo ang gold medal sa Olympiada.
